مطبخ

الحمد لله فطرنا ومعدش كلامك يغيظنا
حلوة الشوربه يا اشتياق بس المقلوبه احلى
ليه الغزاويه دايما بيحبوا الاكل حار
كانت والده الشهيد محمد تحضر لنا لفلفل الاحمر مطحون في زيت الزيتون كان مجرد ما يفتح البطرمان عيوني تدمع
وهمه ياكلوا
تحياتي لك وللاخت سماح ولجميع الجيران

حبيبتي اشتياق
السلام عليكم و رحمة الله

شوربة حلوة و سهلة المنال
الله يعطيك الصحة و العافية و و تسلم يديك يا غالي

اشتياق عزيزتي قلت لي إني أزور مدونتك و المقال لي على القدس ، صدقيني و بقسم لك إني شفته أول ما نزلتيه و أنا ما رحت لأي مدونة تقريبا من أول مانزلت مقالي الأخير إلا بعدما ما نزلت لرغبة الغالية نرجس بس ما تعديت مدونة الطبخ ههههه
عرفت ليه ؟ و الله بكل دقيقة و ثانية أنا مع فلسطين خصوصا رمضان هذه السنة ، كله براسي الإحتلال و ظروف غزة و .. و... و.... و ما قدرت أشوف حتى بالتلفاز لأنهم كل يوم بيجيبو شي عن يوميات رمضان بالقدس
صديقيني بكتب هلا و ببكي و يا ريتني أذوق من طعم لي ذكرته .....

ع العموم يا ستي أنا حخصص ساعة و نصف الساعة للجلوس على الجهاز و أزوركم كلكم بس ادعي لي بكرة حيزيلو الحديد من ورا ركبتي

جزاكم الله خيرا جميعا

الغالي النعماني ..

أكيد المقلوبة أحلى من الشوربة ..

ربنا يكتب لك وتيجي عندنا هون وندوقك إياها أكيد ..

بالنسبة للفلفل هو شعار أهل غزة فعلا ..

وهلأ انت ذكرتني بسفرتي شيء أكيد الأكل داخل فيه فلفل أسمر ..

كمان على السفرة نحط فلفل أحمر مطحون وفلفل أخضر وكمان مخلل فلفل أصفر .. هذا غير الزيتون طبعا اهم شيء وبيكون مضاف اليه فلفل وليمون ..

متل ما قلت لك هي عاداتنا .. أطفالنا من صغرهم نعمل لهم سندويش الفلفل الأحمر ونبدا نعودهم على الفلفل ونشرحه لهم وشوية شوية ياكلوا الفلفل متل الخيار ..

كمان عندنا دقة (سلطة) غزاوية نوعين واحدة عبارة عن فلفل أخضر مع بصلة صغيرة وجرادة خضراء (شبت) وملح ندقهم كويس ونضيف لهم طماطم مقطع ونهرسه وبعدين نضيف ليمون وزيت زيتون ..

والتانية هي اسمها غزاوية عبارة عن تومه مع فلفل أخضر وملح ندقهم ناعم بعدين نضيف طماطم وطحينة وليمون لكن أنا أضيف لها كمان خيار وبقدونس ..

أشكر حضورك الكريم وتقبل كل مودتي واحترامي ..

حبيبتي الغالية سعاد ..

قلبي معاكي والله يا سعاد .. ربنا يتمم شفائك على خير يارب والله اني حاسة بيكي أكيد ..

لا تقلقي أبدا والمؤمن دائما مصاب وانت مأجورة بإذن الله على صبرك واحتسابك ..

بالنسبة للقدس أكيد هي تشرح القلب والروح وانتي تعرفي قديش تسعدني زيارتك انتي كثير عزيزة لنفسي وقريبة لروحي يا سعاد ..

مش رح ابطل أدعي لك من هلأ لحد ما تطمنينا عنك ربنا يرفع الشدة والمرض عنك ويجزيكي عنا خير الجزاء ..

قد ما تقدري خلي بالك من صحتك ومن نفسك وربنا يسعد قلبك وتيجي غزة ونقضي أحلى أوقات مع بعض ..

سلامي ليكي مع حبي وتحياتي ..

ألف سلامة عليكي الغالية سعاد وان شاء الله بتقومي بالسلامة عشان اتعلم منك الطبخ:)

والعزيزة اشتياق انا لسة ما جربت الشوربة بس اكيد زاكية و ان شاءالله بجربها عن قريب ...يسلموا ايديكي

سماح